Aİ: Ukraynadakı münaqişə bir neçə il çəkə bilər
Avropa İttifaqı Ukrayna ətrafında mövcud vəziyyətin bir neçə il uzanacağını proqnozlaşdırır və bütün hazırlıqlar bu istiqamətdədir.
AFN.az xarici mediaya istinadən xəbər verir ki, bu barədə Avropanın daxili bazar üzrə komissarı Thierry Breton bildirib. "Biz bu müharibənin uzun müddət davam edəcəyinə hazırlaşırıq. Avropa ərazisində hərbi əməliyyatların yüksək intensivliyi olan müharibələr, təəssüf ki, əvvəllər bir neçə il davam edirdi. Ona görə də buna hazırlaşırıq" - deyə Aİ diplomatı bildirib.
Breton əlavə edib ki, Rusiyaya qarşı əlavə sanksiyaların tətbiqi imkanları hələ tükənməyib: "Əlbəttə, başqa sanksiyalar da mümkündür, lakin heç kim Ukraynanın məhdudlaşdırıcı tədbirlər sayəsində qalib gələcəyini demədi. Əgər Ukrayna nə vaxtsa qalib gəlsə, o, əsassız olaraq işğal olunmuş əraziləri geri qaytarmaq üçün hərbi yolla olacaq. Ona görə də Aİ və Ukraynanın müttəfiqləri ona qalib gəlmək üçün lazım olan hər şeyi verirlər".
