Aİ və Latın Amerikası ölkələri sammitdə Ukraynaya görə mübahisə edib
Avropa İttifaqı və Latın Amerikası və Karib Hövzəsi Dövlətləri Birliyinin sammiti Ukrayna ilə bağlı mövqelərin fərqliliyi ilə bağlı mübahisə ilə yadda qalıb.
AFN.az xəbər verir ki, bu barədə "Politico" məlumat yayıb.
Qeyd olunur ki, Aİ müzakirəçiləri Latın Amerikası ölkələrini Rusiyanı Ukraynada xüsusi əməliyyat keçirməyə görə qınamağa inandırmağa çalışıblar. Nikaraqua və Kuba təklif olunan üsluba qəti şəkildə qarşı çıxıblar.
Liderlərin sammit zamanı imzalaya biləcəyi birgə bəyannamə ilə bağlı bir neçə raund danışıqlara baxmayaraq, hələlik heç bir razılıq əldə olunmayıb. Nəşrin yazdığına görə, bəzi rəsmilər iki günlük sammitin ümumiyyətlə heç bir birgə bəyannamə ilə nəticələnə bilməyəcəyindən ehtiyat edirlər.
Avropa Şurasının rəhbəri Şarl Mişel iyulun 18-də bildirmişdi ki, kommunikenin mətni hələ də müzakirə olunur. Eyni zamanda, material müəllifləri qeyd edirlər ki, blok BMT-də və ondan kənarda Ukraynaya dəstək üçün səsləri birləşdirməyə çalışdıqda, birgə bəyannamənin mətni üzərində razılığa gələ bilməmək Aİ-nin nüfuzuna zərbə olacaq. Bundan əlavə, Çinin simasında Brüssel yenidən Latın Amerikası ilə ən yaxşı dost olmağa çalışır.
