Malinin Konstitusiya Məhkəməsi yeni konstitusiyanı qəbul edib
İyunun 18-də Malidə keçirilən konstitusiya dəyişikliyi referendumunun rəsmi nəticələri açıqlanıb.
Konstitusiya Məhkəməsinin sədri Amadou Ousmane Ture iyunun 18-də keçirilən ümumxalq səsverməsində konstitusiya dəyişikliyinin 96,91 faizlə qəbul edildiyini açıqlayıb.
Ture iştirak nisbətinin 38,23 faiz olduğunu da qeyd edib.
Bəzi siyasi partiyalar 2020-ci ildə çevrilişlə iqtidara gələn hərbi keçid hökumətinin konstitusiyaya dəyişiklik etmək səlahiyyətinə və legitimliyinə malik olmadığını əsas gətirərək referenduma qarşı çıxıblar.
Prezidentin səlahiyyətlərini artıracaq konstitusiya dəyişikliyi ilə “Ali Millət Şurası” adlı senata bənzər bir quruluşun yaradılması hədəflənir.
Yeni dəyişikliyə əsasən, ölkə siyasətini hökumət əvəzinə prezident müəyyən edəcək, baş nazir və nazirləri prezident təyin edəcək. Prezidentin Milli Məclisi buraxmaq səlahiyyəti də olacaq.
