Tramp bu gün məhkəmə qarşısına çıxacaq
ABŞ-da 2020-ci il prezident seçkilərinin nəticələrini öz xeyrinə dəyişməyə cəhd etdiyi iddiası ilə aparılan "Konqresdə 6 Yanvar basqını" araşdırmaları çərçivəsində ittiham olunan keçmiş ABŞ prezidenti Donald Tramp bu gün federal məhkəmədə məhkəmə qarşısına çıxacaq.
AFN.az yerli mediaya istinadən xəbər verir ki, məhkəmə paytaxt Vaşinqtonda keçiriləcək.
Tramp 2021-ci il yanvarın 6-da hücumların baş verdiyi Konqres binasının bilavasitə yaxınlığında yerləşən Elijah Barrett Prettyman məhkəməsində mühakimə olunacaq.
Trampın ona qarşı irəli sürülən ittihamları rədd edəcəyi gözlənilir.
Bugünkü məhkəmə prosesi hakim Moxila A. Upadhyaya qarşısında dinləniləcək. Bununla belə, işə ABŞ-ın keçmiş prezidenti Barak Obama tərəfindən təyin edilmiş hakim Tanya Çutkanın sədrlik edəcəyi gözlənilir.
Çutkanın Konqresə basqın işlərində müttəhimlərə prokurorların təklif etdiyindən daha sərt cəzalar verdiyi bilinir.
Keçmiş prezidentin bu dəfə müttəhim kimi gələcəyi paytaxt Vaşinqtonda təhlükəsizlik tədbirləri gücləndirilib. Kifayət qədər sıx olan mətbuat mənsubları səhər saatlarından etibarən hadisələri izləmək üçün məhkəmə binası qarşısında gözləyirlər.
Donald Tramp səhər öz sosial media platforması olan TruthSocial-da paylaşdığı yazıda siyasi rəqibi, hazırkı ABŞ prezidenti Co Baydeni günahlandırıb.
Baydenin baş prokurora onu impiçment etmək göstərişi verdiyini iddia edən Tramp, "Demokratlar mənimlə rəqabət aparmaq istəmirlər. Əks halda, "ədaləti" belə görünməmiş şəkildə silah kimi istifadə etməzdilər. Amma tezliklə 2024, bizim növbəmiz olacaq" - deyə bəyan edib.
