Cənubi Koreya Şimali Koreyanın nüvə silahından istifadə edə biləcəyindən narahatdır
Şimali Koreya öz məqsədlərinə çatmaq üçün başqa şeylərlə yanaşı, nüvə silahından istifadəyə də gedə bilər.
AFN.az yerli mediaya istinadən xəbər verir ki, bunu Cənubi Koreya prezidenti Yun Sok-yeol Nazirlər Kabinetinin iclası zamanı deyib.
"Düşünürəm ki, Şimali Koreya hərbi məqsədlərinə çatmaq üçün bütün mümkün vasitələrdən istifadə edəcək və nüvə silahından istifadə etməkdən belə çəkinməyəcək", - deyə o bildirib.
Yun Sok-yeol həmçinin vurğulayıb ki, KXDR-dən artan təhlükə fonunda Cənubi Koreya, ABŞ və Yaponiya arasında üçtərəfli əməkdaşlıq gücləndiriləcək.
Yun Seok-yeol ABŞ-a səfərini təzə başa vurub, burada ABŞ prezidenti Co Bayden və Yaponiyanın baş naziri Fumio Kişida ilə üçtərəfli danışıqlar aparıb. Orada o, həmçinin ABŞ və Yaponiya liderləri ilə ayrı-ayrılıqda ikitərəfli görüşlər keçirib. Üçtərəfli danışıqların yekunlarına dair birgə bəyanatda tərəflər heç bir ilkin şərt olmadan KXDR ilə dialoqun bərpasına sadiq olduqlarını təsdiqləyiblər. Üç ölkənin liderləri həmçinin nüvə silahının ləğvinin beynəlxalq ictimaiyyətin ümumi məqsədi olduğu barədə razılığa gəliblər və onlardan bir daha istifadə olunmaması üçün çalışacaqlarına söz veriblər.
