UNICEF Nigeriyaya 9,3 milyon doza difteriya peyvəndi göndərib
Birləşmiş Millətlər Təşkilatının Uşaq Fondu (UNICEF) xəstəliklə mübarizə üçün difteriya epidemiyasının artdığı Nigeriyaya vaksin göndərib.
UNICEF-in Nigeriya Kommunikasiya Sorumlusu Nçekvube Nvosu-Igbo bildirib ki, UNICEF tərəfindən ölkədə xəstəliyin yaygın olduğu əyalətlərə 9,3 milyon doza difteriya peyvəndi göndərilib.
Nvosu-Igbo, 4 milyon doza difteriya peyvəndinin epidemiyanın episentri olan Kano əyalətinə göndərildiyini və peyvəndlərin Nigeriya hökumətinin epidemiya ilə mübarizəsinə dəstək olacağını bildirib.
O, təşkilat tərəfindən satın alınan 4 milyon doza peyvəndi önümüzdəki həftələrdə hökumətə verəcəyini ifadə edərək, Nigeriyadakı hər bir uşağın peyvənd oluna bilməsi üçün dəstək çağırışı edib.
Nigeriyada 2022-ci ilin dekabrından bəri 7202 difteriya hadisəsi aşkar edilib və indiyədək 453 nəfər ölüb.
Ümumdünya Səhiyyə Təşkilatı (ÜST) Nigeriyada difteriya hallarının artması səbəbindən epidemiyaların ikinci dalğasının olduğunu təsdiqləyib.
