Aİ-dən Nigeriyaya 1 milyon avro dəstək
Aİ difteriya epidemiyasının yayılmasının qarşısını almaq üçün Nigeriyaya 1 milyon avroluq dəstək verib.
Avropa İttifaqından (AB) verilən açıqlamada, Nigeriyada görünməmiş difteriya epidemiyası ilə mübarizə və ən çox zərər çəkmiş icmalara kömək məqsədilə 1 milyon avroluq humanitar yardım fondunun ayrıldığı bildirilib.
Açıqlamada, fondun Aİ-nin epidemiya ilə mübarizəyə kömək etmək üçün mart ayında Beynəlxalq Qızıl Xaç və Qızıl Aypara Cəmiyyətləri Federasiyasının Fəlakətlərə Qarşı Təcili Yardım Fonduna ayırdığı 150 min avroya əlavə olaraq verildiyi bildirilib.
Yanvar ayından bəri Nigeriyada 10 min 322 difteriya hadisəsi aşkarlanıb və bu müddət ərzində 600-dən çox insan həyatını itirib.
Ümumdünya Səhiyyə Təşkilatı Nigeriyada difteriya hallarının artması səbəbindən epidemiyanın ikinci dalğasının olduğunu təsdiqləyib.
Birləşmiş Millətlər Təşkilatının Uşaq Fondu epidemiya ilə mübarizə çərçivəsində sentyabr ayında bu ölkəyə 9,3 milyon doza peyvənd göndərib.
