Kreml: "Ermənistanın Roma Statutunu təsdiq etməsi qərarı yanlışdır"
Kremlin sözçüsü Dmitri Peskov Ermənistan parlamentinin Beynəlxalq Cinayət Məhkəməsinin (ICC) Roma Statutunu təsdiq etməsinə reaksiya verərək, qərarı “yanlış” adlandırıb.
Ermənistanın Rusiyanın tərəfdaşı və dostu olduğunu vurğulayan Peskov, onların erməni xalqı ilə çoxlu ümumi cəhətlərin olduğunu və bunun iki xalqı əbədi birləşdirəcəyinə şübhə etmədiyini bildirib.
Hazırkı Ermənistan rəhbərliyi üçün əlavə sualların yarandığını bildirən Peskov, "İkitərəfli əlaqələr baxımından Ermənistanın Beynəlxalq Cinayət Məhkəməsinin Roma Statutunda iştirakı yanlışdır. Biz hələ də bunun yanlış bir qərar olduğuna inanırıq" sözlərini deyib.
İrəvanın bu qərarının Rusiya prezidenti Vladimir Putinin Ermənistana səfərlərini rədd edəcəyi anlamına gələ biləcəyi ilə bağlı suala Peskov, “Əlbəttə, biz istəməzdik ki, prezident Putin bir gün hər hansı səbəbdən Ermənistana səfərindən imtina etsin” cavabını verib.
Peskov, həmçinin Ermənistanın baş naziri Nikol Paşinyanın Ermənistanın Roma Nizamnaməsinə qoşulma qərarının “Kollektiv Təhlükəsizlik Müqaviləsi Təşkilatının (KTMT) və Ermənistan-Rusiya tərəfdaşlığı alətlərinin qeyri-adekvatlığı ilə bağlı olduğu” sözləri ilə qətiyyən razı olmadıqlarını vurğulayıb.
