Lukaşenko: Qərbin Belarusdakı vəziyyəti silkələməsinə imkan verməyəcəm
Belarus prezidenti Aleksandr Lukaşenko bildirib ki, 2024-cü ildə gözlənilən parlament seçkiləri zamanı Qərbin ölkədəki vəziyyəti silkələməsinə imkan verməyəcək.
"Onlar Belarusu sarsıdacaqlarını belə gözləməsinlər. Biz buna imkan verməyəcəyik", - deyə “Belta” agentliyi Lukaşenkodan sitat gətirib.
Dövlət başçısı Belarusun 2020-ci il seçki kampaniyası zamanı əldə etdiyi təcrübəni nəzərə aldığını vurğulayıb. Lukaşenko Qərb ölkələrinə xəbərdarlıq edib: “Biz artıq kifayət qədər təcrübəli insanlarıq, düzgün məşq edirik”.
Belarusda parlament və yerli parlament seçkiləri üçün vahid səsvermənin 2024-cü il fevralın 25-də keçirilməsi planlaşdırılır. Lukaşenko bundan əvvəl demişdi ki, hakimiyyət qarşıdan gələn seçkilərdə deputat və aprelin sonunda çağırılacaq ÜmumBelarus Xalq Assambleyasına nümayəndə kimi irəli sürüləcək vətənpərvər insanları dəstəkləyəcək.
