İsveç küçələri terror təşkilatı PKK/YPG-nin yeni təxribatının şahidi oldu
İsveçin paytaxtı Stokholmda Norra Bantorget meydanında toplaşan terror təşkilatı PKK/YPG tərəfdarları polis nəzarəti altında Türkiyə əleyhinə şüarlar səsləndirib və terror təşkilatı üçün təbliğat aparıblar.
Terror təşkilatı PKK/YPG tərəfdarları Norra Bantorget meydanında toplaşaraq, terror təşkilatını simvolizə edən paltarlar geyinərək, təşkilatın lideri Abdullah Öcalanın plakatını açaraq İsveç parlamentinə gediblər.
PKK/YPG tərəfdarları Türkiyə və prezident Rəcəb Tayyib Ərdoğan əleyhinə şüarlar səsləndiriblər.
İsveç polisi terror tərəfdarlarının yürüşlərini maneəsiz başa çatdırmaları üçün tədbir görüb və marşrutdakı yolları qısa müddətə nəqliyyata bağlayıb.
