Yaponiyada banklararası köçürmə sisteminin nasazlığı 11 banka zərər verib
Yaponiyada milli maliyyə qurumlarının vəsaitləri və qiymətli kağızları köçürdüyü “Rich” şəbəkəsindəki nasazlıq səbəbindən 11 bankın köçürmə sistemləri zərər çəkib.
Rəsmi Kyodo agentliyinin məlumatına görə, Yaponiya Banklar Assosiasiyasının (Zenginkyo) pul və qiymətli kağızları köçürdüyü ödəniş və klirinq şəbəkəsində nasazlıq yaranıb.
Səbəbi hələ müəyyən edilməmiş sistemli uğursuzluqdan sonra ölkə üzrə 11 bankın, o cümlədən MUFG kimi milli bankların fond və qiymətli kağız köçürmələri dayandırılıb. Məlumat verilib ki, nasazlığın mənbəyinin aradan qaldırılması üçün hökumətin Maliyyə Xidmətləri Agentliyi tərəfindən lazımi işlər görülüb.
Yaponiyanın əksər bankları banklararası “Rich” sistem şəbəkəsinə qoşulub və bu şəbəkə vasitəsilə gündə orta hesabla 12 trilyon yen (81 milyard dollar) həcmində 6,5 milyon əməliyyat həyata keçirilir.
