Donald Tramp: "Netanyahu HƏMAS-ın hücumuna hazır deyildi"
ABŞ-ın keçmiş prezidenti Donald Tramp İsrailin baş naziri Benyamin Netanyahunu Fələstin HƏMAS silahlılarının hücumuna hazır olmadığına görə tənqid edib.
Fox News-a danışan 2024-cü ildə Respublikaçılar Partiyasından prezidentliyə namizəd olan Tramp, hücumdan Netanyahunun çox pis yaralandığını söyləyib:
“O, hazır deyildi, İsrail də hazır deyildi. Kimin ağlına gələrdi ki, onların kəşfiyyatı bunu aşkar edə bilməyəcək? Aksiyada minlərlə insan iştirak edib. Minlərlə insan bunu bildi və buna məhəl qoymadı”.
