İsrailin müdafiə naziri: HƏMAS-ın hücumları İranın ideyasıdır
İsrailin müdafiə naziri Yoav Qallant HƏMAS-ı "İranla şər oxunun bir ucu" adlandırıb.
"İsrail dəyişikliklərə məcbur etmək və inkişaf edən bir demokratiya olaraq gələcəyini qorumaq üçün HƏMAS yaraqlılarına qarşı hərtərəfli müharibə aparır" - "Reuters"in xəbərinə görə, İsrail müdafiə naziri belə deyib.
Tehranın HƏMAS hücumunda şərik olub-olmaması ilə bağlı suala Qallant belə cavab verib: "Fərqi yoxdur, çünki ideya İranın ideyasıdır".
Qallant əlavə edib ki, həyatlarını xilas etmək istəyən Fələstin vətəndaşları BMT-nin orada humanitar böhranın spirallaşa biləcəyi barədə xəbərdarlıqları fonunda Qəzzanın cənubunu boşaltmaq barədə İsrailin xəbərdarlığına qulaq asmalıdırlar.
Lakin o, Qəzzaya hazırkı hava hücumunun ardınca quru işğalı ilə nəticələnə biləcəyinə işarə edən, İsrailin səhər yaydığı 24 saatlıq evakuasiya bildirişinə əməl edib-etməyəcəyi ilə bağlı sualı cavablandırmaqdan imtina edib: "Bu, İsrailin çiçəklənən bir dövlət, demokratik bir dövlət, yəhudi xalqının vətəni kimi mövcudluğu uğrunda müharibədir. Biz öz evimiz üçün mübarizə aparırıq. Biz gələcəyimiz üçün mübarizə aparırıq. Yol uzun olacaq, amma sonda sizə söz verirəm ki, qalib gələcəyik".
