İsrailin müdafiə naziri: HƏMAS böyük səhv etdi
İsrailin müdafiə naziri Yoav Qallant HƏMAS-ın İsrailə hücumla böyük səhv etdiyini deyib.
"HƏMAS bu səhər böyük bir səhv etdi. İsrail bu müharibədə qalib gələcək" - deyə Qllant bildirib.
Müdafiə naziri Qəzza zolağında fəal Fələstinin müqavimət hərəkatı HƏMAS-ın İsrailə qarşı həyata keçirdiyi raket hücumları və sızma əməliyyatı ilə bağlı video mesaj yayımlayıb.
İsrail vətəndaşlarını təhlükəsizlik təlimatlarına əməl etməyə çağıran Qallant, İsrailin bu müharibədə qalib gələcəyini deyib.
HƏMAS-ın silahlı qanadı İzzəddin əl-Qəssam Briqadaları bu gün səhər tezdən İsrailə qarşı “Əqsa tufanı” əməliyyatına başladıqlarını və İsrailə sızma əməliyyatı ilə raket hücumları həyata keçirdiklərini açıqlayıb.
