Dövlət Departamenti: ABŞ Rəfah keçidini açmaq üçün Misir, İsrail və Qətərlə işləyir
Dövlət Departamentinin yüksək rütbəli rəsmisi "Reuters"ə bildirib ki, Birləşmiş Ştatlar Qəzzadan Misirə gedən Rəfah keçidini şənbə günü günortadan sonra açmaq üçün Misir, İsrail və Qətərlə işləyir.
“Biz girişi asanlaşdırmağa çalışdıq ki, bu gün saat 12-dən 5-ə kimi açıq olsun. Misirlilər, israillilər və qətərlilər bu işdə bizimlə birgə çalışıblar”, - deyə rəsmi ABŞ dövlət katibi Antoni Blinkenlə səfərdə olan jurnalistlərə bildirib.
