Cənubi Koreyada tarixin ən böyük müdafiə sərgisi başlayır
İki ildən bir keçirilən Seul Beynəlxalq Aerokosmik və Müdafiə Sərgisi (ADEX) çərşənbə axşamı öz qapılarını açır.
Cənubi Koreyanın ən böyük müdafiə sərgisi, ölkənin silah satışını artırmaq və nüvə silahı daşıya bilən ABŞ bombardmançısının nadir görünüşünü nümayiş etdirməyə hazırlaşdığı bir vaxtda başlayır. Təşkilatçılar deyirlər ki, sərgidə hər zamankindən daha çox şirkət şirkət iştirak edəcək, eləcə də ABŞ-ın B-52 bombardmançı təyyarəsinin hava bazasına enəcək misli görünməmiş keçidi olacaq.
"Builki sərginin məqsədi Cənubi Koreyaya dünyanın dördüncü ən böyük silah ixracatçısı olmaq məqsədinə nail olmaqda kömək etməkdir" - deyə təşkilat ofisinin rəhbəri Li Conq-ho konfransda keçirdiyi brifinqdə bildirib.
Tədbirdə 54 ölkədən 450-dən çox yüksək rütbəli Müdafiə Nazirliyi rəsmisinin, eləcə də yüz minlərlə digər peşəkar və ictimaiyyət nümayəndələrinin iştirakı gözlənilir. "Bu, Koreyanın müdafiə sənayesi üçün beynəlxalq diqqəti cəlb etmək və irəliyə doğru nəhəng bir addım atmaqdan ötrü bir fürsətdir" - deyə Li əlavə edib.
Koreya hökuməti keçən il Polşa ilə tanklar, haubitsalar, hərbi təyyarələr və raketlər üçün böyük sövdələşmələr də daxil olmaqla, rekord həddə 17,3 milyard dollarlıq silah satışını təmin etdikdən sonra bu il müdafiə ixracını 20 milyard dollara çatdırmağı qarşısına məqsəd qoyub.
Son illərdə Cənubi Koreya müdafiə ixracatında dünyada təxminən 9-cu yerdədir.
ABŞ Hərbi Hava Qüvvələrinin polkovniki Çarlz Kemeronun sözlərinə görə, Cənubi Koreyanın ABŞ ilə müttəfiqliyinin 70-ci ildönümünü qeyd etmək üçün şouda Amerikanın hərbi qüdrətinin, o cümlədən B-52 uçuşunun adi haldan daha böyük nümayişi olacaq.
