Cənubi Koreya və ABŞ strateji bombardmançı təyyarə ilə aviasiya təlimləri keçirib
Cənubi Koreya və ABŞ Hərbi Hava Qüvvələri avqustun 24-də KXDR-in kəşfiyyat peykinin buraxılması üzrə uğursuz cəhdə cavab olaraq Koreya yarımadası üzərində səmada ABŞ-ın ən azı bir B-1B strateji bombardmançı təyyarəsinin iştirakı ilə birgə təlim keçirib.
Bu barədə Koreya Respublikasının Milli Müdafiə Nazirliyi məlumat yayıb.
“Koreya Respublikası Hərbi Hava Qüvvələri və ABŞ avqustun 30-da ABŞ-ın B-1B strateji bombardmançı təyyarəsinin "Döyüşçü Qalxanı" manevrləri çərçivəsində Koreya yarımadası üzərində yerləşdirməsindən sonra birgə təlim keçirib” - deyə Müdafiə Nazirliyindən bildirilib.
Qeyd edilib ki, Sarı dənizin hava məkanında bombardmançı təyyarəni Cənubi Koreyanın FA-50 qırıcıları və Amerikanın F-16-ları müşayiət edib. Hazırkı təlim Şimali Koreyanın avqustun 24-də raket daşıyıcısı olduğu iddiasına cavab olaraq, ABŞ-ın strateji aktivlərinin vaxtında yerləşdirilməsi vasitəsilə uzadılmış çəkindirmə potensialını nümayiş etdirib.
Qeyd olunur ki, cari birgə aviasiya uçuşu ABŞ-ın strateji bombardmançı təyyarəsinin iştirakı ilə ilin əvvəlindən onuncu olub.
