Meksikanın məşhur çimərliyi "Kateqoriya-5" qasırğasına hazırlaşır
ABŞ Milli Qasırğa Mərkəzinin açıqlamasına görə, “Otis” qasırğası məşhur Akapulko çimərlik kurortlarının yaxınlığına çatıb.
Mütəxəssislərin proqnozlarına görə, qasırğanın fəlakətli ziyan vurmaq potensialı var. Mərkəz qasırğanın 270 km sürətlə davamlı küləklər və güclü yağış gətirdiyini açıqlayıb.
"Fırtına Guerrero və Oaxaca bölgələrində 21 düym yağışa səbəb ola bilər; sel və daşqınlar potensial olaraq fəlakətli ola bilər və fırtına dalğası həyat üçün təhlükə yarada bilər" - deyə proqnozda qeyd edilir.
Meksikanın milli su agentliyi CONAGUA, Akapulkoya ev sahibliyi edən Guerrero ştatının sahillərində, eləcə də Oaxaca əyalətinin bəzi hissələrində sörfinqlə bağlı xəbərdarlıq edib.
Qubernator Evelin Salqado sosial mediada verdiyi açıqlamada Guerrerodakı məktəblərin dərsləri ləğv etdiyini bildirib.
