Ermənistan Nurlan İbrahimova qarşı cinayət işi açdı
Bir tərəfdən sülh müqaviləsi bağlamağa hazır olduğunu bildirən Ermənistan, digər tərəfdən ənənəvi xislətindən əl çəkmir.
AFN.az xəbər verir ki, işğalçı ölkə 44 günlük müharibə ilə bağlı cinayət işi çərçivəsində Azərbaycanın hərbi-siyasi və ordu rəhbərliyinin 20 nümayəndəsinə qarşı cinayət işi açıb.
Bu barədə “Pastinfo”nun yazılı sorğusuna cavab olaraq Ermənistan İstintaq Komitəsi məlumat yayıb.
Bundan başqa, Ermənistan Azərbaycana qarşı AİHM və Beynəlxalq Ədalət Məhkəməsində iddialar qaldırıb.
Qeyd olunur ki, “Qarabağ” futbol klubunun mətbuat xidmətinin sabiq rəhbəri Nurlan İbrahimova qarşı da cinayət işi başlanıb.
Qeyd edək ki, Nurlan İbrahimov Ermənistanın Gəncə və Bərdədə dinc sakinləri bombalamasından sonra sosial şəbəkədə emosional status yazmış və daha sonra onu silmişdi.
Maraqlıdır ki, dinc sakinləri bombardman edən Ermənistan buna etirazını bildirən şəxsə qarşı cinayət işi açır. Erməni ki, erməni...
