Rumıniyada NATO ölkələri və Ukrayna üçün F-16 pilot təlim mərkəzi açılıb
Rumıniyada digər NATO və tərəfdaş ölkələrdən, o cümlədən Ukraynadan olan F-16 qırıcı pilotlarının hazırlanması üçün beynəlxalq təlim mərkəzi açılıb.
Rumıniyanın Müdafiə Nazirliyi bildirib ki, ölkənin cənub-şərqindəki Fetesti Hərbi Hava Bazasında yerləşən təlim mərkəzi NATO üzvləri arasında qarşılıqlı əlaqəni artırmaq və hərbi ittifaqı Şərqi Avropa və Qara dəniz regionunda mürəkkəb çağırışların öhdəsindən gəlməyə daha yaxşı hazırlamaq üçün nəzərdə tutulub.
Xəbərdə deyilir ki, ABŞ istehsalı olan güclü təyyarə Hollandiya Kral Hərbi Hava Qüvvələri tərəfindən təmin olunacaq, döyüş təyyarəsi istehsalçısı "Lockheed Martin" isə təlim mərkəzində təlimatçılar və texniki xidmət göstərəcək.
