Hindistanda güclü yağışlar nəticəsində 24 nəfər ölüb
Hindistanın Qucarat ştatında güclü yağışlar nəticəsində 24 nəfər ölüb, 23 nəfər yaralanıb.
Fövqəladə Hallar üzrə Dövlət Mərkəzi (SEOC) leysan yağışların təsirli olduğu Qucarat ştatında əsasən ildırım vurması nəticəsində 24 nəfərin öldüyünü, 23 nəfərin yaralandığını bildirib.
Skymet hava proqnozu agentliyinin vitse-prezidenti Mahesh Palawat bildirib ki, Qucarat adətən ilin bu vaxtında bu qədər yağıntı almır.
