Marapi vulkanında baş verən partlayışlar nəticəsində 22 alpinist həlak olub
İndoneziyanın Sumatra adasının qərbindəki Marapi vulkanının püskürməsi nəticəsində həyatını itirənlərin sayı 22-yə yüksəlib.
İndoneziyanın Qərbi Sumatra əyalətinin Axtarış və Xilasetmə İdarəsinin rəhbəri Əbdül Malik açıqlamasında itkin düşən 12 alpinistdən 11-nin cəsədinin tapıldığını bildirib.
Region polisi həmçinin hələ də tapılmayan bir alpinistin partlayışların baş verdiyi əraziyə yaxın olması səbəbindən öldüyünə inandıqlarını və ölən alpinistlərin cəsədlərinin şəxsiyyətlərinin müəyyən edilməsi üçün xəstəxanaya aparıldığını açıqlayıb.
Beləliklə, dekabrın 3-dən vulkanda baş verən partlayışlar və aktivlik nəticəsində həyatını itirənlərin sayı 22-yə yüksəlib.
