Zaxarova NATO ilə birbaşa toqquşma riskinin artdığını açıqlayıb
Rusiya Xarici İşlər Nazirliyinin sözçüsü Mariya Zaxarova bildirib ki, NATO-nun Rusiya ilə birbaşa toqquşmanın qarşısının alınması ilə bağlı bəyanatları alyans liderlərinin seçicilər qarşısında üzünü ağartmaq üçün diqqəti yayındırmasıdır.
Bu barədə RİA Novosti xəbər verib.
O, həmçinin bu cür bəyanatları ikiüzlülük adlandırıb və qeyd edib ki, NATO ilə birbaşa hərbi toqquşma riskləri getdikcə artır.
“NATO üzvlərinin, o cümlədən baş katib Stoltenberqin əsas vəzifəsinin birbaşa toqquşmanın qarşısını almaq olduğunu söylədiyi hər şey ikiüzlülükdür. Bütün bunlar şüşə muncuq oyunudur. Bu, diqqəti yayındırmaq üçün bir növ şıltaqlıqdır”, - deyə Zaxarova bildirib.
