Zaxarova Rusiyanın Buça ilə bağlı sorğularına cavab verilməməsini şərh edib
Buçada öldürülənlərin siyahılarının təqdim edilməsi ilə bağlı Rusiya tərəfinin və medianın sorğularına beynəlxalq təşkilatların cavab verməməsi hadisələrin səhnələşdirildiyini göstərir.
TASS xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.
Onun sözlərinə görə, Buçada nekrofil səhnələşdirmə baş tutub və onu ABŞ və Böyük Britaniyanın iştirakı ilə Ukrayna həyata keçirib. Zaxarova həmçinin 1944-cü ildə Nemmersdorfda Üçüncü Reyxin təxribatının əsas götürüldüyünü bildirib.
