Kanadadakı mənzil böhranının çətinliyini xarici tələbələr çəkəcək
Mənzil böhranı ilə üzləşən Kanadada hökumət ölkəyə gələn beynəlxalq tələbələrin sayını məhdudlaşdırmağı planlaşdırır.
Əhalinin qocalması Kanada iqtisadiyyatını immiqrasiyadan asılı edir. Məhz buna görə hökumət hər il qəbul edilən immiqrantların sayını artırır.
Ancaq inşaat xərclərində inflyasiyanın yavaşlamasına baxmayaraq, mənzil böhranı tam sürətlə davam edir, oxları immiqrantlara və beynəlxalq tələbələrə çevirərək, mənzil tələbini artırdıqlarını əsas gətirir.
Kanada mətbuatında yer alan xəbərlərə görə, immiqrasiya naziri Mark Miller Kanadada yaşamağa icazə verilən əcnəbi tələbələrin sayına məhdudiyyət qoyulacağını bildirib. Əcnəbi tələbə sayının çoxluğuna diqqət çəkən Miller, "Bu rəqəmlər narahatlıq doğurur. Bu, həqiqətən nəzarətdən çıxan bir sistemdir" - deyə bildirib.
Kanadalı nazir qeyd edib ki, ilin birinci və ikinci rübündə tələbələrin sayında nə qədər azalma tətbiq ediləcəyi ilə bağlı araşdırma aparılır.
Rəsmi məlumatlara görə, Kanadada 800 mindən çox əcnəbi tələbə var. Bu rəqəm 2012-ci ildə 275 min idi.
Kanadada tələbələr üçün daha asan iş icazələri ölkəni dünyanın hər yerindən gələn tələbələr üçün cəlbedici təhsil məkanına çevirir.
Trudeau başda olmaqla, liberallar 8 ildən çox hakimiyyətdə olduqdan sonra son zamanlar tənəzzülə uğrayıblar. Son sorğular müxalifətdə olan Mühafizəkarların yarışda lider olduğunu göstərir.
Rəy sorğuları həmçinin göstərir ki, Kanada ictimaiyyəti immiqrasiyanı mənzil böhranının və ictimai xidmətlərdəki problemlərin ən mühüm səbəbi kimi görür.
Kanada əhalisi 2023-cü ilin üçüncü rübündə 430 min nəfər artıb və bu rəqəm 1957-ci ildən bəri ən böyük əhali artımı olaraq qeydə alınıb.
