İsrail ordusu Qəzzada daha bir əsgərinin öldüyünü açıqlayıb
İsrail ordusu Qəzza zolağının cənubunda baş verən qarşıdurmalarda əsgərlərindən birinin həlak olduğunu açıqlayıb.
Ordudan verilən açıqlamada Qəzzanın cənubunda baş verən qarşıdurmalarda 55-ci Briqada 7155-ci Batalyonda xidmət edən Çavuş Nitzan Şesslerin öldüyü qeyd edilib.
İsrail ordusunun Qəzza zolağına hücumlarının başladığı 2023-cü il oktyabrın 7-dən indiyədək 189-u quru döyüşləri prosesində olmaqla 523 İsrail əsgəri həlak olub.
