İsveçin baş naziri: Biz NATO-ya tam üzvlüyə bir addım daha yaxınıq
"Bu gün NATO-ya tam üzvlüyə bir addım daha yaxınlaşdıq".
Bunu İsveçin baş naziri Ulf Kristersson Türkiyə Böyük Millət Məclisinin İsveçin NATO-ya üzvlüyünü təsdiqlədikdən sonra verdiyi açıqlamada bildirib.
Kristersson fikirlərini X hesabında paylaşıb.
Kristersson İsveçin NATO-da iştirakını Türkiyə Böyük Millət Məclisinin qəbul etməsini müsbət qiymətləndirdiyini vurğulayıb.
İsveçin NATO-da iştirakı ilə bağlı qanun layihəsi Türkiyə Böyük Millət Məclisində qəbul edilib.
Parlamentin Baş Assambleyasında İsveçin Şimali Atlantika Müqaviləsinə (NATO) qoşulması haqqında Protokolun təsdiq edilməsi haqqında qanun layihəsinin müzakirələri başa çatıb.
Danışıqların sonunda səsvermədə iştirak edən 346 deputatdan 287-nin səsi ilə təklif qəbul edilib və qanun qüvvəyə minib. 55 deputat təklifin “əleyhinə” səs verdiyi halda, 4 deputat “bitərəf” səs verib.
