Pentaqon: "Tərəflər İraqdakı ABŞ əsgərlərinin vəziyyəti ilə bağlı danışıqlara başlayacaq"
ABŞ Müdafiə Naziri Lloyd Austin ABŞ və İraq hökuməti arasında qurulan ABŞ-İraq Ali Hərbi Komissiyasının (HMC) işçi qrupunun iclaslarının yaxın günlərdə başlayacağını və burada ABŞ hərbi varlığının gələcəyinin müzakirə ediləcəyini açıqlayıb.
Ostin açıqlamasında HMC-nin 7-8 avqust 2023-cü il tarixlərində Vaşinqtonda keçirilən ABŞ-İraq Birgə Təhlükəsizlik Əməkdaşlıq Dialoqunun davamı olduğunu bildirib.
Ostin HMC-nin İraq və Suriyada DEAŞ-a qalib gəlmə missiyasının uğurlarına əsaslanaraq ABŞ və İraq arasında daimi ikitərəfli təhlükəsizlik ortaqlığına keçidi təmin etdiyini vurğulayıb.
Ostin hərbi və müdafiə sahəsində peşəkarlardan ibarət ekspert işçi qruplarının İŞİD-in dirçəlişinin qarşısını almaq üçün anti-İŞİD koalisiyasının missiyasının ən təsirli şəkildə dəyişdirilməsi ilə bağlı HMC-yə tövsiyələr verəcəyini açıqlayıb.
O, ABŞ və İraqın İraq hökumətinin dəvəti ilə 10 ildir ki, təhlükəsizlik məsələlərində dərin və məhsuldar tərəfdaşlıq etdiyini vurğulayıb.
ABŞ-ın İraqdakı bazalarına edilən hücumlara cavab olaraq İranın dəstəklədiyi qruplara qarşı həyata keçirdiyi hava hücumundan sonra İraqın baş naziri Məhəmməd Şia əl-Sudani ABŞ-dan qoşunlarını ölkədən çıxarmasını istəyib, lakin Pentaqon bildirib ki, onlara bu məsələ ilə bağlı rəsmi müraciət daxil olmayıb.
Hazırda ABŞ-ın İraqda təxminən 2500 əsgəri var.
