Kanadanın şərqində güclü qar yağması səbəbindən fövqəladə vəziyyət elan edilib
Kanadanın Atlantik okeanının Yeni Şotlandiya əyalətinin şimalında güclü qar yağması səbəbindən fövqəladə vəziyyət elan edilib.
Bu barədə CBC televiziyası xəbər verib.
Kanada Milli Hava Bürosunun məlumatına görə, əyalətin bu hissəsinə 150 sm-ə qədər qar yağa bilər ki, bu da fevral ayı üçün normadan iki dəfə artıqdır. 28 m/s-ə qədər küləklə müşayiət olunan qarın yağmasına səbəb Atlantik okeanında fırtına olub.
Rayonun bu hissəsində bazar ertəsi bütün təhsil müəssisələrində dərslər ləğv edilib. Sakinlərdən xahiş olunub ki, küçələrdə hərəkəti mümkün qədər məhdudlaşdırsınlar.
