Yaponiyanın baş naziri parlamentin etika komitəsi qarşısında çıxış edəcək
Yaponiyanın baş naziri Fumio Kişida hakim partiyada korrupsiya qalmaqalı fonunda parlamentin etika komitəsi qarşısında şəxsən çıxış edəcək.
Bu barədə Bloomberg məlumat yayıb.
"Mən özüm də Liberal Demokrat Partiyasının (LDP) lideri kimi çıxış edəcəyəm və özümü mediaya izah etmək borcumu yerinə yetirəcəyəm" deyə siyasətçi bildirib.
Komitənin iclasının cümə axşamı, yanvarın 29-da keçirilməsi planlaşdırılır. Əsas həll olunmamış məsələ prosesin açıq olmasıdır. Adətən belə dinləmələr bağlı qapılar arxasında keçirilir, lakin Kişidə jurnalistlərin iştirakında israr edə bilər.
Qalmaqal LDP-nin bir sıra iri üzvlərinə pul vəsaitləri ilə rüşvət vermək və gəlirlərini bəyan etməmək ittihamları ilə bağlıdır. Yaponiya baş nazirinin ittihamlarla əlaqəsi olmamasına baxmayaraq, keçmiş ticarət naziri Yasutoşi Nişimura və Nazirlər Kabinetinin keçmiş baş katibi Hirokazu Matsuno istefa veriblər.
Müəlliflər Kişidanın şəxsən çıxış edib məsələni həll etmək istəməsinin əsas səbəbinin kabinetə etimadı artırmaq istəyi olduğunu deyiblər. Mainichi qəzetinin daha əvvəl keçirdiyi sorğuda respondentlərin 82 faizinin hazırkı hökuməti bəyənmədiyi məlum olub ki, bu da 1947-ci ildən bəri ən aşağı səviyyədir.
Bu vəziyyət sentyabrda partiya rəhbərliyinə keçiriləcək seçkilərlə mürəkkəbləşir, bundan sonra Kişida hipotetik olaraq daha populyar siyasətçilərin xeyrinə əvəzlənə bilər. LDP Yaponiyanı İkinci Dünya Müharibəsinin bitməsindən bəri demək olar ki, davamlı olaraq idarə edir.
