Rusiya-Ukrayna müharibəsində mülki itkilərin sayı 10 min 703-ə yüksəldi
Bildirilib ki, müharibə nəticəsində həyatını itirən mülki əhalinin sayı 10 min 703-ə çatıb ki, bunların da 549-u uşaqdı. Hücumlarda 20 min 146 adam yaralanıb.
İclasda çıxış edən BMT baş katibinin Yaxın Şərq, Asiya və Sakit Okean üzrə müavini Mohamed Khaled Xiari münaqişənin Ukraynanın şərqindəki yaşayış məntəqələrinə keçməsindən narahat olduqlarını bildirib.
Xiari qeyd edib ki, Rusiya qüvvələri Ukraynanın müharibənin genişləndiyi kənd, qəsəbə və şəhərlərini demək olar ki, tamamilə dağıdıb.
Sözügedən hücumların beynəlxalq hüquqa zidd olduğunu və dərhal dayandırılması lazım olduğunu bildirən Xiari, "Rusiyanın Ukraynaya təcavüzü 10 min 703 mülki şəxsin ölümünə səbəb olub. Bunlardan 549-u uşaqdır. 20 min 146 nəfər isə yaralanıb" deyə vurğulayıb.
BMT-nin Humanitar Məsələlərin Koordinasiyası Ofisinin (OCHA) Humanitar Yardımın Maliyyələşdirilməsi və Resurs Transferi Bölməsinin direktoru Lisa Doughten də mülki şəxslərə qarşı hücumların beynəlxalq humanitar hüququ pozduğunu və bütün tərəflərin mülki insanları müdafiə etməli olduğunu bildirib.
Doughten humanitar yardımın çatdırılmasında hələ də ciddi maneələrlə üzləşdiklərini bildirib.
Xüsusilə Rusiyanın ilhaq etdiyi Donetsk, Luqansk, Xerson və Zaporojya bölgələrində humanitar yardımların məhdud olduğunu bildirən Doughten, təxminən 1,5 milyon insana həyat qurtaran humanitar yardım çatdıra bilmədiklərini bildirib.
