Qırğızıstan və Tacikistan sərhədində zəlzələ baş verib
![](/uploads/posts/2024-03/1711101899_zelzele.jpg)
Qırğızıstan və Tacikistan sərhədində 5,3 bal gücündə zəlzələ baş verib.
Bu barədə Qırğızıstan Seysmologiya İnstitutu məlumat yayıb. Qurumdan verilən açıqlamada bildirilir ki, zəlzələnin mənbəyi Tacikistan ərazisində, Qırğızıstanın Kara-Teyit kəndindən 16 kilometr cənub-şərqdə və Batken şəhərindən 124 kilometr aralıda yerləşib.
“Qırğızıstanın yaşayış məntəqələrində zəlzələnin intensivliyi Qara-Teyit və Karamık kəndlərində - 4 bal, Şibee kəndində - təxminən 4 bala, Daraut-Kurqan, Jar-Başı, Kulçu kəndlərində və Yaş-Tilek - 3 bal təşkil edib”, - deyə institutdan bildirilir.
Respublika Fövqəladə Hallar Nazirliyinin məlumatına görə, Qırğızıstan ərazisində yeraltı təkanlar nəticəsində tələfat və dağıntılar qeydə alınmayıb.