Malavi prezidenti daşqınlara görə fövqəladə vəziyyət elan edib
Malavi prezidenti Lazarus Çakvera 2023-cü ilin oktyabrında yağışlı mövsümün başlamasından bəri ölkənin əksər hissəsini təsir edən daşqınlar səbəbindən ölkənin 28 rayonundan 23-də fövqəladə vəziyyət elan edib.
Bu barədə martın 24-də Nyasa Times qəzeti məlumat yayıb.
O, daşqınların nəticələrini öyrənən komissiyanın hesabatı əsasında belə qərar verib.
“Məhz bu hesabata əsasən öz səlahiyyətimlə bu axşam sizin qarşınızda Malavinin 28 ərazisindən 23-də "El Nino" şəraitindən təsirlənən ərazilərdə fəlakət vəziyyəti elan edirəm”, – deyə Çakvera bildirib.
Malavi prezidenti yardım üçün Dünya Bankına və BMT-yə də müraciət edib.
