Şimali Koreya lideri Kim yeni orta mənzilli hipersəs raket sınağını yoxlayıb
Şimali Koreya lideri Kim Çen In bərk yanacaqla işləyən yeni orta mənzilli hipersəs raketinin sınaq atışını yoxlayıb.
Şimali Koreyanın rəsmi Koreya Mərkəzi Xəbər Agentliyinin (KCNA) məlumatında yeni orta mənzilli hipersəs raketinin sınaqdan keçirildiyi bildirilib.
Materialda sınaq atışlarına nəzarət etdiyi və atəş əmrini komandanlığın müşahidə sahəsindən verdiyi bildirilən Kim Çen Inın raketin "nüvə müharibəsindən çəkindirmə qabiliyyətinin artırılmasında rol oynayacağı" mesajını verdiyi qeyd edilib.
Bərk yanacaqla işləyən yeni orta mənzilli hipersəs raketinin sınaq atışının uğurlu olduğu bildirilib.
Cənubi Koreya Baş Qərargahının dünən verdiyi açıqlamada Şimali Koreyanın yerli vaxtla saat 06.53-də Yapon dənizinə doğru ballistik raket atdığı qeyd edilib.
Açıqlamada orta mənzilli olduğu təxmin edilən raketin Yapon dənizinə düşdüyü bildirilib.
Daha sonra Cənubi Koreya Müdafiə Nazirliyi nüvə silahına malik təyyarələrdən istifadə etməklə Koreya yarımadası yaxınlığında ABŞ və Yaponiya ilə birgə hava təlimi keçirildiyini açıqlayıb.
Açıqlamada, təlimin Şimali Koreyanın artan nüvə və raket təhdidlərinin qarşısını almaq və təlimdə iştirak edən ölkələrin cavab imkanlarını artırmaq üçün təşkil edildiyi qeyd edilib.
