Əfqanıstanda məsciddən çıxan insanlara atəş açılması nəticəsində 3 nəfər öldü
Əfqanıstanın qərbindəki Fərəh əyalətində məsciddən çıxan insanlara atəş açılması nəticəsində 3 nəfər həyatını itirib.
Əfqanıstan mediasında yer alan xəbərə görə, dünən Poşt-e Kuh rayonunun Kotvali kəndindəki məsciddə qılınan təravih namazından sonra şəxsiyyəti məlum olmayan şəxslər tərəfindən silahlı hücum təşkil edilib.
Hücumçuların məsciddən çıxan əfqanlara atəş açması nəticəsində 3 nəfər ölüb.
Farah polis rəisi Əbdül Zahir Hadem hücum edənlərin tutulması üçün işlərin davam etdiyini bildirib.
