AUKUS-un genişlənməsi Asiya-Sakit okeanı nüvə mina sahəsinə çevirəcək
Şimali Koreyanın beynəlxalq əlaqələr üzrə analitiki Kang Jin-Song ABŞ-ın Yaponiyanı AUKUS-a üzv etmək cəhdini məkrli plan kimi qiymətləndirib.
O, ABŞ, Böyük Britaniya və Avstraliyanın daxil olduğu və nüvə sualtı texnologiyası sahəsində əməkdaşlığı nəzərdə tutan AUKUS sazişinin yeni ölkələrlə genişləndirilməsinin Asiya-Sakit okean regionunu nüvə mina sahəsinə çevirəcəyi ilə bağlı xəbərdarlıq edib.
Yeni ölkələrlə AUKUS müqaviləsinin genişləndirilməsinin Asiya-Sakit okean bölgəsini nüvə mina sahəsinə çevirəcəyi barədə xəbərdarlıq edən Kang, ABŞ-ın nüvə mina sahəsini Çinə yaxınlaşdırmaq üçün Yaponiyadan forpost kimi istifadə etməyi planlaşdırdığını bildirib.
ABŞ-ı Cənubi Koreya, Avstraliya, Yaponiya və Filippinlə anti-Çin siyasəti əsasında daha güclü təhlükəsizlik əməkdaşlığı qurmaqda ittiham edən Kanq, dünya ölkələrinin Vaşinqtonun ittifaq ərazisini vəhşicəsinə genişləndirmək məqsədi daşıyan ehtiyatsız hərəkətlərinə qarşı ayıq-sayıq olmalı olduğunu vurğulayıb.
Aprelin 21-də Çinin xarici işlər naziri Vanq Yi ABŞ-ın Böyük Britaniya və Avstraliya ilə Sakit okeanda qurduğu üçtərəfli müdafiə tərəfdaşlığını tənqid edərək, regionun böyük güclərin oyun meydanı olmamalı olduğunu bildirib.
ABŞ və Böyük Britaniya arasında texnologiya transferi yolu ilə Avstraliyanın nüvə enerjili sualtı donanmasının yaradılmasını hədəfləyən AUKUS müqaviləsi 2021-ci ilin sentyabrında imzalanıb.
