Kosmik turizmin gəliri 4 milyard dollara çatacaq
Kosmik turizm bazarının 2029-cu ilə qədər 26 faiz artacağı proqnozlaşdırılır. 2023-cü ildən 2030-cu ilə qədər ümumi təxmini gəlir ölçüsünün 4 milyard dollara çatacağı gözlənilir.
AFN.az xarici mediada yer alan təhlilə istinadən xəbər verir ki, 2029-cu ildə bazarda gəlirin 605 milyon dollara qədər artacağına dair təxminlər də kosmik turizmin inkişaf edəcəyinin göstəricisi kimi qiymətləndirilir.
Kosmik turizm təhlükəlidirmi?
"Bütün kosmos səyahətləri riskli ola bilər" - deyə təhlildə vurğulanır: "2014-cü ildə ABŞ-ın Moxave səhrası üzərində sınaq uçuşu zamanı Virgin Galactic kosmik gəmisinin partlaması nəticəsində bir pilot həlak olmuş, digəri isə yaralanmışdı. Digər tərəfdən kosmosda uzun müddət qalmaq orqanizmə zərər verə bilər. 2021-ci ildə "Business Insider"ə danışan NASA astronavtı Meqan MakArtur kosmosa uçuşun narahat və riskli olduğunu bildirib.
McArthur öz təcrübəsini izah edərkən bildirib ki, dünyada çox sadə olan şeylər birdən-birə çətinləşir, hətta yatmaq və ya dişlərinizi fırçalamaq kimi sadə şeylər.
Kosmik Siyasət və Strategiya Mərkəzinin araşdırmasına görə, indiyədək ABŞ-ın idarə etdiyi kosmos uçuşlarının 1 faizi ölümlə nəticələnən qəzalarla nəticələnib.
