Rusiyada sərnişin qatarı yük qatarına çırpılaraq relsdən çıxıb
Rusiyanın Murmansk vilayətində yük qatarı ilə toqquşan sərnişin qatarı relsdən çıxıb.
“Rusiya Dəmir Yolları” şirkətindən verilən açıqlamada Sankt-Peterburqa gedən sərnişin qatarının Murmanskda yük qatarı ilə toqquşduğu bildirilib.
Qəza nəticəsində bəzi vaqonların relsdən çıxdığı, qatarda ümumilikdə 326 sərnişinin olduğu qeyd edilib.
Rusiya İstintaq Komitəsinin verdiyi açıqlamada qəza ilə bağlı araşdırmaya başlanıldığı açıqlanıb.
Rusiya xəbər agentlikləri qəzada bəzi sərnişinlərin yaralandığını vurğulayıb.
