Myanmada zəlzələ nəticəsində ölənlərin sayı 3 mini keçib
Myanma ordusu 7,7 bal gücündə zəlzələdən sonra 3000-dən çox insanın ölümü ilə əlaqədar yardım səylərini asanlaşdırmaq üçün ölkədə vətəndaş müharibəsində müvəqqəti atəşkəs elan edib.
AFN.az "Associated Press"ə istinadən xəbər verir ki, ordunun ali komandanlığının dövlət televiziyası MRTV-də yayımlanan bəyanatında atəşkəsin aprelin 22-dək davam edəcəyini və zəlzələdən zərər çəkmiş insanlara mərhəmət göstərmək məqsədi daşıdığını bildirib.
Bəyanat hərbi idarəçiliyə qarşı çıxan silahlı müqavimət qruplarının elan etdiyi birtərəfli müvəqqəti atəşkəsdən sonra verilib.
Ordunun bəyanatında deyilir ki, bu qruplar dövlətə hücum etməkdən və ya yenidən qruplaşmaqdan çəkinməlidir, əks halda ordu lazımi tədbirləri görəcək.
