İspaniyada güclü külək 3 nəfərin həyatına son qoyub
İspaniyanın cənubunda yerləşən Əndəlüs bölgəsinin Sevilya şəhərində fırtına nəticəsində anbarın tavanının uçduğu və 3 nəfərin həyatını itirdiyi bildirilib.
İspaniyanın əksər hissəsini əhatə edən “Nuriya” adlı tufan həyata mənfi təsir edir.
Əndəlus muxtar hökumətinin səhiyyə idarəsindən verilən açıqlamada Sevilyadakı Kortija el Sequro sənaye zonasında əkinçilik anbarının damının və yan divarının güclü külək nəticəsində uçduğu bildirilib.
Anbarın çökməsi nəticəsində 3 işçinin öldüyünü açıqlayan səlahiyyətlilər bölgədəki yüksək gərginlikli xətt qülləsinin də zədələndiyini və təhlükəsizlik tədbirlərinin artırıldığını açıqlayıb.
Digər tərəfdən Milli Meteorologiya İnstitutu (AEMET) xüsusilə Əndəlüs, Kanar adaları və ölkənin şərq bölgələrində təsirli olan fırtına səbəbiylə küləyin sürətinin saatda 150 kilometrə çatdığı məlumatını paylaşıb.
