Vüqar Qurbanovun qohumunu bıçaqlayan sürücü imiş: AÇIQLAMA+YENİLƏNİB
AFN.az "Unikal"a istinadən xəbər verir ki, bıçaq xəsarəti alan Orxan Ənvərli əvvəllər Tibbi Ərazi Bölmələrini İdarəetmə Birliyinin (TƏBİB) Daxili nəzarət və monitorinq departamentinin rəhbəri olub.
O, 2026-cı ilin yayında vəzifəsindən azad edilib və Abşeron rayon Xəstəxanasında direktor müavini təyin edilib. O.Ənvərlinin TƏBİB-in əvvəlki sədri Vüqar Qurbanovun qohumu olduğu bildirilir.
***
Abşeron rayonunda bıçaqlanma hadisəsi qeydə alınıb.
AFN.az “Report”a istinadən xəbər verir ki, hadisə Abşeron Rayon Mərkəzi Xəstəxanasında baş verib.
Belə ki, ilkin məlumata görə, tibb müəssisəsinin baş həkiminin müavini Orxan Ənvərli əvvəllər orada çalışmış və işdən azad edilmiş əməkdaşın hücumuna məruz qalıb. Nəticədə, vəzifəli şəxs bıçaq xəsarəti alıb.
Hadisə ilə bağlı xəstəxanaya polis əməkdaşları cəlb olunub. Keçirilmiş əməliyyat-axtarış tədbirləri nəticəsində cinayəti törətməkdə şübhəli bilinən Elçin Balayev saxlanılıb.
Faktla bağlı araşdırma aparılır.
Qeyd edək ki, Orxan Ənvərli Tibbi Ərazi Bölmələrini İdarəetmə Birliyinin (TƏBİB) Daxili nəzarət və monitorinq departamentinin rəhbəri olub. O, 2026-cı ilin yayında vəzifəsindən azad edilib və Abşeron rayon Xəstəxanasına baş həkimin müavini təyin edilib.
