“Public Azerbaijan” konsepsiyası yaradıldı
Azərbaycanın ictimai, iqtisadi, mədəni inkişafı yolunda əsas trendləri özündə ehtiva edəcək “Public Azerbaijan” konsepsiyası yaradıldı.
“Public Azerbaijan” konsepsiyası çərçivəsində “PUBLIC” Jurnalı dərc olunacaq, “PUBLIC AWARDS” mükafatı təqdim olunacaq, ictimai, iqtisadi və mədəni sahələrdə müxtəlif tədbirlər təşkil olunacaq.
“PUBLIC” Jurnalında müxtəlif ictimai, iqtisadi, mədəni və sosial fəaliyyətlər işıqlandırılacaq. Fərdi təşəbbüslər, fərqli müsahibələr və təqdimatlar jurnalda öz əksini tapacaq.
“PUBLIC AWARDS” mükafatı müxtəlif sahələrdə uğur və nümunə yaradan insanlara təqdim olunacaq.
“Public Azerbaijan” konsepsiyasının yaradıcısı iş adamı, ictimai xadim Elşən Gəncəvidir.
Elşən Gəncəvi “Oxu-magiya” kitabının yazarı, “AMVPRESS.AZ” informasiya portalının baş redaktoru, “PUBLIC” jurnalının təsisçisi, ictimai və iqtisadi layihələrin müəllifi, AMV Şirkətlər Qrupunun rəhbəridir. (Yenigundem.az)
