Şəhid gizirimizin Narın yadigarı
Şəhid gizir Yaşar Babayevin ailəsi, yaxınları onun haqqında yana-yana, ancaq qürurla, fəxarət hissi ilə danışırlar. Rusiyada yaşayan və son iki ildə övladının həsrətində olan atası Vasif Babayev oğlunun dəfn mərasimində iştirak edə bilməyib və yas mərasiminin dördüncü gününə gəlib çata bilib.
Atası Yaşarın əsgər yoldaşlarının söylədiklərini “Report”a qürurla bölüşür.
O bildirir ki, övladının dünyaya gəlməsini gözləyən Yaşar həyat yoldaşını xəstəxanaya aparmaq üçün 10 günlük məzuniyyət götürüb. Ancaq gecə döyüş yoldaşaları zəng ediblər ki, kömək lazımdır. Yaşar dərhal xidmətə qayıdıb və döyüşlərdə qəhərmancasına şəhid olub...
Xatırladaq ki, Ağstafa rayon Köçəsgər kənd sakini, 1987-ci il təvəllüdlü gizir Babayev Yaşar Vasif oğlu Azərbaycan-Ermənistan dövlət sərhədinin Tovuz rayonu istiqamətində düşmən hücumunun qarşısını alarkən şəhid olub. O, iyulun 15-də doğulduğu kənddə torpağa tapşırılıb.
"Report"un Qərb mərkəzinin əməkdaşının şəhidin ailə üzvləri ilə görüşündən hazırlanan reportajı təqdim edirik:
