İran neft ixracının həcmini açıqladı
"Bu il martın 20-dən indiyədək İranın gündəlik neft ixracatı 600-700 min bareldir".
AFN “Fars”a istinadən xəbər verir ki, bunu İran Plan və Büdcə Təşkilatının sədr müavini Həmid Pürməhəmmədi bildirib.
Bundan əvvəl vise-prezident İshaq Cahangiri bildirmişdi ki, ABŞ sanksiyalar vasitəsilə İran neft ixracını sıfırlamaq istiqamətində səy göstərsə də, buna nail olmayıb.
ABŞ İran nüvə proqramına dair sazişi 2018-ci ildə tərk etməsindən əvvəl rəsmi Tehran gündə 2 milyon bareldən çox neft ixrac edirdi.
