Almaniya Almatıdakı konsulluğun işini dayandırdı
Almaniya Qazaxıstandakı vəziyyətlə əlaqədar olaraq Almatıdakı konsulluğunun işini dayandırıb, öz vətəndaşlarına oraya səfərdən çəkinməyi tövsiyə edib.
“Qafqazinfo” TASS-a istinadən xəbər verir ki, bu barədə Almaniya Xarici İşlər Nazirliyinin xaricdəki vəziyyətlə bağlı yenilənmiş məlumatında bildirilib.
"Mövcud vəziyyəti nəzərə alaraq, Almatıdakı baş konsulluq növbəti xəbərdarlığa qədər bağlıdır, konsulluq dəstəyi Nur-Sultandakı səfirlik vasitəsilə mümkündür. Bundan əlavə, PCR testləri ilə bağlı çətinliklər var”, - məlumatda deyilir.
Qeyd edək ki, hazırda Almatıda antiterror əməliyyatı aparılır.
