Rusiya Müdafiə Nazirliyinin elmi müəssisəsində dəhşətli yanğın: Ölən və yaralananlar var - VİDEO
Rusiyanın Tver şəhərində Aerokosmik Müdafiə Qoşunlarının Mərkəzi Elmi-Tədqiqat İnstitutunun binasında yanğın baş verib.
İlkin məlumatlara görə, bir nəfər ölüb, daha 20 nəfər yaralanıb. Onların vəziyyəti dəqiqləşdirilir.
Ümumilikdə 30-a yaxın insan tibbi yardım üçün müraciət edib.
Zərərçəkənlərdən bəziləri tüstüdən zəhərləniblər, digərləri isə yanğından xilas olmaq üçün pəncərələrdən atıldıqları üçün travma alıblar.
Müəssisənin əməkdaşları təxliyə ediliblər.
“Yanğının səbəbləri müəyyən edilir”, - deyə qarnizon komandanlığından bildiriblər.
İlkin ehtimallara görə, yanğın elektrik şəbəkəsinin qəzalı işləməsi səbəbindən baş verə bilər.
Mənbə: TASS
