Avropa İttifaqında qaz anbarlarının doluluq səviyyəsi 75%-ə çatıb
![](https://static.report.az/photo/c8874cf9-790b-3652-a4b9-0ea9d810ba16_850.jpg)
Rusiyadan qaz tədarükü ilə bağlı məhdudiyyətlər fonunda Avropanın yeraltı qaz anbarlarının doluluq səviyyəsi 75%-ə çatıb.
AFN TASS-a istinadən xəbər verir ki, bu barədə “Gas Infrastructure Europe”nin (GIE) açıqlamasında bildirilir.
Avropa İttifaqına daxil olan 27 ölkədən yalnız 19-da yeraltı qaz anbarları var. Bu ölkələrdən 8-i anbarları 80%-dən çox doldurmağa nail olub. Bu ölkələrə Belçika, Çexiya, Danimarka, Fransa, Polşa, Portuqaliya, İspaniya və İsveç daxildir.