Maliyyə naziri: "Maya dəyəri ilə satış qiyməti arasındakı fərqə görə 697 milyon manat ayrılacaq"
Azərbaycanda gələn il bəzi müəssisələrin xidmətlərinin maya dəyəri ilə satış qiyməti arasındakı fərqi qarşılamaq üçün 697 milyon manat vəsait ayrılacaq.
AFN report-a istinadən xəbər verir ki, bunu Milli Məclisin İqtisadi siyasət, Sənaye və Sahibkarlıq komitəsinin iclasında maliyyə naziri Samir Şərifov bildirib.
Onun sözlərinə görə, həmin vəsaitin 124 milyon manatı televiziyalar, radiolar, siyasi partiyalar və teatrlar üçün nəzərdə tutulub.
