Peskov: Kiyevə verilən Qərb tankları yandırılacaq
Qərb silahları Kiyevə cəbhədəki vəziyyəti dəyişməyə kömək etməyəcək.
AFN.az-ın xəbərinə görə, Rusiya Federasiyası Prezidentinin mətbuat katibi Dmitri Peskov bildirib ki, Qərbin Ukraynaya silah tədarükü “gərginliyin artmasına, eskalasiya səviyyəsinin artırılmasına birbaşa səbəb olacaq”.
Mətbuat katibi “Bu, bizdən əlavə səylər tələb edir, lakin bu, hadisələrin gedişatını dəyişməyəcək – xüsusi hərbi əməliyyat davam edəcək” - deyə əlavə edib. Peskov Qərbin Kiyevə tədarük etmək qərarına gələn tankların tutulması və ya məhv edilməsinə görə mükafatların ödənilməsi ilə bağlı bəyanatlara da münasibət bildirib. Kreml sözçüsünün sözlərinə görə, bu cür təkliflər “hamının bacardığı qədər, bu və ya digər şəkildə, birbaşa və ya dolayısı ilə xüsusi əməliyyatın gedişinə töhfə vermək üçün birlik və istəyinə” dəlalət edir: "Tanklara gəlincə, artıq dediyimiz kimi, onlar yandırılacaq və belə stimullar olarsa, düşünürəm ki, daha çox həvəskarlar olacaq”.
Bundan əvvəl bir neçə iş adamı, siyasətçi və ictimai xadim, o cümlədən aktyor İvan Oxlobıstin və Trans-Baykal ərazisinin rəhbəri Aleksandr Osipov Qərb tanklarının məhv edilməsi və ya tutulması üçün çoxmilyonluq ödənişlər elan ediblər.
Xatırladaq ki, ötən həftə Almaniya hakimiyyəti Kiyevə 14 "Leopard 2" tankının göndərildiyini elan edib və digər ölkələrə bu maşınları Ukraynaya ixrac etməyə icazə verib. ABŞ Ukraynaya 31 "Abrams" tankı tədarük edəcəyini açıqlayıb. Bir sıra başqa ölkələr də, o cümlədən İspaniya, Polşa və Kanada Ukraynaya "Leopard 2" vermək niyyətindədir.
