Sanksiyalara baxmayaraq, Rusiyadan dizel yanacağının ixracı rekord qırıb
Martın ilk 19 günündə Rusiyadan dizel yanacağının tədarükü sutkada təxminən 1,5 milyon barel təşkil edib. Bu temp davam edərsə, bu ay 2016-cı ilin əvvəlindən bəri ən yüksək ixracat müşahidə olunacaq.
AFN.az yerli analitiklərə istinadən xəbər verir ki, Avropa Birliyinin ölkəni ən böyük bazarından məhrum edən sanksiyalara baxmayaraq, Rusiyadan dizel ixracı bu ay rekord səviyyəyə çatacaq.
Bloomberg-in məlumatına görə, Moskva idxal qadağalarının onu alternativ alıcıların olmaması səbəbindən ixracı azaltmağa məcbur edəcəyi qorxusuna məhəl qoymur. Çünki əvəzində Türkiyə, Mərakeş və digər ölkələr alışları artırıb. Həm də o şəraitdə ki, Rusiyadan gələn yüklərin bir hissəsi də üzən anbarlarda saxlanılır.
"Yerli istehsalçılar öz həcmlərini xarici alıcılara sata biləcəklərinə kifayət qədər əmindirlər - təklif etdikləri endirimlər kifayət qədər böyükdür və yanacaq üçün yeni bazarlar var", - ABŞ-ın müstəqil neft məhsulları analitiki Mixail Turukalov belə deyib.
Rusiya dizel ixracının əsas hissəsi Türkiyəyə gedir. Digər idxalçılar arasında Mərakeş, Braziliya, Tunis və hətta ən böyük neft ixracatçısı olan Səudiyyə Ərəbistanı da var.
